iQ‑Parking ухаалаг зогсоол АШИГЛАХ ЗААВАР

1. Тээврийн хэрэгслийг шар хайрцгийг дайрахгүйгээр байрлуулах.
2. Хажуугийн хашлага болон шар зураасны дагуу тэгш байрлуулах.
3. Байршуулах/байрлалаа өөрчлөхийн өмнө орчноо сайтар ажиглаж, явган зорчигч болон саадыг бүрэн нягтлах.
4. Хормойтой/унжсан бүтэцтэй тээврийн хэрэгсэл орж зогсохыг хориглоно.
5. Хэвтээ түгжээг урд/хойд дугуйн голд, өргөний ⅔‑аас багагүй хэсэгт тааруулж байрлуулах.
6. Төхөөрөмжийн мэдрэгч тээврийн хэрэгслийг байрлуулмагц ажиллаж түгжигддэг тул гарах/байрлал өөрчлөхдөө шар хайрцаг дээрх QR-ыг уншуулж, төлбөрөө төлж, түгжээ буусны дараа хөдөлгөөн хийнэ.
7. Түгжээ бүрэн түгжигдэх/онгойхоос өмнө хөдөлгөөн хийх, хаалга онгойлгож/хаах үйлдэл хийхийг хориглоно.
8. Төлбөр төлсний дараа түгжээ бүрэн буутал хөдөлгөхгүй байх.
9. Зогсоолд байрлаж буй тээврийн хэрэгслийн зорчих хөдөлгөөнийг хааж бүх төрлийн тээврийн хэрэгсэл байрлуулахыг хориглоно.

⚠️ Дээрх зааврыг мөрдөөгүйгээс үүсэх эрсдэлд зогсоол эзэмшигч хариуцахгүй (доорх Санамж-ыг үзнэ үү).

1) QR‑ыг камераар уншуулна

Шар хайрцган дээрх QR код нь вэб холбоос тул ГАР УТАСНЫ КАМЕРААР шууд уншуулна. Анхаар: банкны аппын QR‑скан ашиглах шаардлагагүй — камераар уншуулахад хангалттай.

2) Линк дээр дарж нэвтэрнэ

Камераас гарч ирэх вэб холбоос дээр дарж нэвтрээд, гүйлгээ хийж төлбөрөө баталгаажуулна.

Зогсоол бүрд 3 ижил QR байрласан — алиныг нь ч ашиглаж болно.

3) Түгжээ буусны дараа хөдөлнө

Төлбөр амжилттай баталгаажсаны дараа түгжээ автоматаар бууна. Бүрэн буусан эсэхийг шалгаад хөдөлгөөн хий.

Үйлчлүүлэгчийн хариуцлага

• Түгжээ бүрэн буугаагүй байхад хөдөлгөөн хийснээс үүдэх эвдрэл, гэмтэлд эзэмшигч хариуцахгүй.
• Түгжээ буугаагүй үед машины жинг нэмэгдүүлснээс (зорчигч суулгах, ачаа ачих) үүсэх хохиролд эзэмшигч хариуцахгүй.
• Хажуугийн хормойтой/унжсан бүтэцтэй тээврийн хэрэгсэл байрлуулснаас үүсэх аливаа эвдрэл, хохирлыг хариуцахгүй.
• Түгжээ нээгдэх/хаагдах үед түгжээнээс зайтай байж, гар хөл хавчуулах, эд зүйл унагахаас сэргийлэх нь үйлчлүүлэгчийн үүрэг.
• Төхөөрөмжийг санаатай/болгоомжгүйгээр эвдлэх, дайрах, төлбөр төлөхгүй хүчээр гарах тохиолдолд хохирлыг бүрэн хариуцна.
• Байрлуулахдаа орчноо сайтар нягталж саад, хашлага байгаа эсэхийг шалгаагүйгээс үүсэх осол, хохирлыг үйлчлүүлэгч бүрэн хариуцна.
• Зогсоолд байрлуулах, байршил өөрчлөх үед гуравдагч этгээдийн үйлдлээс үүсэх аливаа осол, хохирлыг үйлчлүүлэгч бүрэн хариуцна.
• Захиалагдсан (түгжээтэй) зогсоолд хүчээр орохыг хориглоно.

Нэмэлт заавар

• iQ‑Parking апп‑аар зогсоол захиалагдсан байх магадлалтай тул төхөөрөмж түгжээтэй (боссон) эсэхийг шалгаж байршина.
• Self‑service тул төлбөр төлөх гар утасны камера, дата, цахим төлбөрийн хэрэгслийн бэлэн байдал нь таны хариуцлага.
• Автомашин, унадаг дугуй, скүүтэр, мотоцикл зэргийг зогсоолын үйл ажиллагаанд саад болгон байрлуулах тохиолдолд торгууль ногдуулж, дугуй түгжих, ачих зэрэг арга хэмжээ авна.
• Зогсоолд тээврийн хэрэгслээ байрлуулснаар та дээрх бүх заавар, санамжийг мөрдөхийг зөвшөөрсөнд тооцно.

Анхаар: Түгжээ бүрэн буугаагүй үед суух/ачаалах зэрэг автомашины жинг өөрчлөх үйлдлээс зайлсхий.

1. Апп суулгах: AppStore болон PlayStore‑оос iQ Parking‑ийг татаж суулгана.
2. Бүртгэл: Утасны дугаараа оруулж баталгаажуулна.
3. Сул зогсоол харах: Бодит цагаар сул зогсоолууд харагдана.
4. Захиалах: Өөрийн зогсох байршлаа сонгон захиална.
5. Төлбөр: Хэтэвчээ цэнэглэж захиалгын төлбөрөө төлнө.

Апп татах холбоос

Дараах товчийг дарж маркет руу орно уу.

(*) Одоогоор холбоосууд туршилтын төлөвт — бодит линкээр солих.